165.短短说两句。我在法国，看到两种现象
一是各种微信群里有高调爱国的大陆年青人，二是线下聚会中不乏关心香港的大陆留学生。
213.《致香港同胞的一封信》
《致香港同胞的一封信》
啱啱落嚟香港讀書果陣，「唔該」都唔識聽又唔識講，第二日喺M記買嘢講煲冬瓜俾亞姐鬧，佢話「嚟香港就要講廣東話」，我答佢「今天是我來香港的第二天」，跟住佢一路笑一路用「帶有鄉音」嘅煲冬瓜對我講「哦，好，那你要學喇」。哩個場景，令我終生難忘。
2014年9月開學，我同其他香港同學一樣，都著黑衫戴黃絲帶返學，響校內俾內地同學見到，佢哋鬧我，話「你是傻逼嗎？」又話我係賣國賊。9月28日，金鐘，雨傘革命係我第一次同香港人企埋一齊去抗爭，亦都係人生第一次品嘗到催淚彈嘅味道。果陣覺得喺香港哩個地方可以見到警察對我哋d和理非嘅同學打催淚彈，真係好驚，又好驚訝，我諗，香港已死。
光復香港，時代革命，對香港人嚟講，哩句口號，比任何時候都更加迫切。以前反23條，反國教，反普教中，反水客，雨傘，魚蛋，其實革命早已開始，好似溪流逐漸匯聚埋一齊，形成大江大河咁波濤洶湧，即係今日嘅返送中運動，終於爆發出嚟。宜家中共正用緊溫水煮青蛙咁嘅方式，逐步逐步侵蝕香港財富，自由與法制。
就移民政策嚟講，第一，每年五萬幾單程証新移民，我相信絕大多數係愛國小粉紅，佢哋又會申請其它屋企人落嚟，而其後代亦都有好大機會係小粉紅。第二，每年幾千上萬國内IANG學生來港讀書（我都係受益者之一），畢業之後可留港，住滿七年摞身份證。第三，「輸入内地人才計劃」，我真係見到，無論咩9所謂嘅人才，好容易申請到，仲有d agent收錢辦事。咁算嘅話，唔使2049，因爲人口清洗，真香港人比例愈來愈低，到時唔使投票，一定係建制保皇黨贏；中共要響香港做咩，可以話係冇難度。
就經濟嚟講，香港愈來愈依賴中國，無論係零售，旅游，又或者係金融，地產。零售，旅游應該多擴濶客源，吸引亞洲其他國家同世界各國游客來港觀光，絕對唔可以單單依靠自由行，反而要將自由行所帶來嘅收益占比降低。如果繼續依賴自由行，放任中資企業爲所欲爲，香港經濟命脈會完全俾中共所鉗制，本土年青人未來就業問題會愈來愈嚴重（近排交銀事件）。曾經同屬亞洲四小龍的台灣和香港，一心靠中國掙錢，睇下宜家點樣就知喇。
記得幾年前選特首果陣，中聯辦話一定要俾林鄭月娥女士當選，不但要當選，仲要高票當選。果不其然，林鄭以777票贏咗。咁個結果唔出奇，但又再次confirm咗心中個信念，中共已經可以完全操控香港選舉。跟住落嚟，西九龍高鐵站割地兩檢同港珠澳大橋，香港政府唔睬市民意見，置住屋問題，醫療問題，學童學位問題於不顧，洗大把納稅人錢去服從討好中共嘅命令，同時又將公安引入埋香港，嚮高鐵站執行返中國法律，一國兩制全無，喪權辱港。我諗，法制已死，香港已死。
我哋宜家見到d所有社會問題，政府問題，我認爲都係中共嘅問題。香港政府只不過係北京手中個傀儡，人哋喺幕後揸住條繩，林鄭同香港政府就響香港市民面前唱戲。今年6月初上街果陣，市民要求林鄭下台，其實我反而覺得，就算林鄭下台，李家超下台，後面又會來多個乜王鄭，張鄭。因爲究其原因，係香港冇真普選，冇真一國兩制，究其根本，係中共法西斯暴政嘅問題嚟嘅。香港行緊喺一條非常之危險嘅道路上面，如果仲唔反抗，香港實變大陸。
我要真普選，我要真香港。但係沒有共產黨，先會有真香港。光復香港，時代革命，比以往任何時代，都要緊迫，只有真香港人先會救香港，只有抗爭先會有希望。自己嘅香港自己救。雨傘革命個陣我哋稱呼彼此為同學，宜家我哋係手足。待香港重光果日，我哋一定會除咗面罩，相擁而泣，大聲稱呼彼此手足嘅。
我——講廣東話仲唔係咁標準，又仲未摞到三粒星；
我——唔係香港人；
但我——好愛香港。
See Also
40.香港群众的反抗就好像在最黑暗的地方点亮了火光，请继续前进，祝你们所有人好运。
作为一个完全腐化并早就背叛初衷的政党，ccp长期对国内言论的压制我们是心知肚明，而香港群众的反抗就好像在最黑暗的地方点亮了火光，作为一个社会主义者，撇开我们之间理念的不同，不得不说，香港人为大陆群众好好上了一节名为“反抗斗争”的课。
88.恨不得与你们同在，请港人撑住，一定要赢
他们今日的勇武，其价值和意义比8964更加深远，极有可能将开启整个华人社会新篇章。
80.二號橋戰役第二天，我沒頭沒腦地對他說：真偉大。 他也突兀地回了一句：我很自豪。
儘管我們什麼都沒說，別人也看不出我們對這個城市的風波有任何關注。但我們都已經知道了彼此並不孤單。
127.“如果某天需要有人流血才能唤醒某些人的意识，我愿意做那个流血的人”
作为一个法律系学生，在我的老师问我，法律职业人最重要的品质是什么的时候，我说是“对他人所 遭受的苦难和被不公正对待能够感同身受的同理心，以及敢于与公权力对抗的勇气和为生民立命的决心”，